Mae’r project Heb Anghofio wedi bod yn casglu atgofion trigolion Caerdydd sy’n byw gyda demensia. Bydd yr arddangosfa’n cynnwys ffilm ddogfen ac arddangosiad rhyngweithiol, er mwyn treiddio ymhellach i’r atgofion hyn. Bydd ffotograffau portread trawiadol o bob cyfranogwr i’w gweld, ynghyd ag amrywiaeth o brojectau crefft a ddyluniwyd gan y cyfranogwyr i adlewyrchu eu hatgofion o Gaerdydd, gan gynnwys wal glai terracotta.

Yn ystod yr arddangosfa, bydd y project Heb Anghofio yn cynnal sesiynau ymwybyddiaeth demensia, ynghyd â ‘gweithdai sut gallwch chi’ ar dechnegau fel Therapi Symbyliad Gwybyddol a Therapi Hel Atgofion sydd wedi cefnogi’r gwaith o gasglu’r atgofion hyn.