Mae Glitter Cymru yn grŵp cymdeithasol sy’n cwrdd yng Nghaerdydd ar gyfer y mwyafrif byd-eang LHDTC+, ac fe’i sefydlwyd mewn ymateb i’r diffyg cynrychiolaeth a chynhwysiant y mae llawer o bobl cwiar o liw yn ei brofi o fewn y gymuned LHDTC+ a’r gymdeithas ehangach.

Mae’r grŵp yn cynnig lle diogel, croesawgar i’r gymuned Mwyafrif Byd-eang – gan groesawu ffoaduriaid, ceiswyr lloches, myfyrwyr rhyngwladol, a thrigolion Cymru i gysylltu, adeiladu cymuned, a dathlu eu hunaniaethau.

Mae’r arddangosfa hon yn eich gwahodd i ddarganfod pwy yw Glitter Cymru, ac i archwilio’r gwaith pwerus maen nhw’n ei wneud yng Nghaerdydd a thu hwnt. Trwy adrodd straeon a ffotograffiaeth, mae’r arddangosfa yn tynnu sylw at eu cerrig milltir allweddol, yn dathlu amrywiaeth eu haelodau, ac yn arddangos effaith mannau cymunedol cynhwysol.