Ar ddiwedd y 19eg ac ar ddechrau’r 20fed ganrif, roedd cymunedau Iddewig yn ffynnu yn ninasoedd a chymunedau llai de Cymru, cyn i’r niferoedd ddechrau gostwng yn araf deg.

Nod yr arddangosfa hon gan Gymdeithas Hanes Iddewig De Cymru yw adlewyrchu ysbryd y cymunedau hyn drwy ddetholiadau o gyfweliadau gyda’r rheiny oedd yno; drwy straeon a lluniau eu bywydau, a bywydau eu rhieni a’u teidiau a’u neiniau. Pwy oedden nhw? Sut oedden nhw’n byw? Pam adawon nhw?